香港金融管理局- 紙幣爛咗點算好？

阿四： 但係十蚊紙幣由香港特區政府發行喎，市民可以去邊度兌換呢？ 小森： 匯豐銀行係政府十元紙幣嘅代理銀行，所以市民可以去佢哋分行兌換已損毀... 跳至主要內容 主頁 /新聞與媒體/小森阿四專欄 紙幣爛咗點算好？ 小森阿四專欄 2018年11月16日 紙幣爛咗點算好？ 阿四： 有讀者寫信嚟，話屋企小朋友唔小心將十蚊紙幣對半撕爛咗，問可以點做？   小森： 佢可以拎返去發鈔銀行換。

銀行會按既定嘅準則嚟驗證真偽同損毀程度，例如會驗下張銀紙係咪真鈔、睇下防偽特徵仲係咪完整、損毀面積有幾嚴重等。

一般嚟講，如果無以上呢啲問題，銀行都會換返錢畀市民嘅。

  阿四： 但係十蚊紙幣由香港特區政府發行喎，市民可以去邊度兌換呢？   小森： 匯豐銀行係政府十元紙幣嘅代理銀行，所以市民可以去佢哋分行兌換已損毀嘅十元紙幣。

  阿四： 其實既然銀紙只不過對半撕爛咗，黐返埋用又得唔得？   小森： 最好都係交返畀發鈔銀行啦。

提醒你，千祈唔好將兩張不同號碼嘅鈔票黐埋一齊，咁做係合成銀紙，唔係法定貨幣嚟喎。

  阿四： 而家電子支付咁發達，我估銀紙、散銀都少咗人用啩？   小森： 咁你又估錯喎。

睇下個圖就知，過去五年（2013-2017年）香港紙幣嘅總流通金額年年有增長，五年內增長近四成㗎！仲有大家都唔多鍾意袋住嘅「神沙」，連同政府發行嘅十元紙幣，過去五年流通量都有增加。

增長嘅原因係經濟活動多咗、來港遊客增多等。

  銀行紙幣流通金額   政府發行十元紙幣及硬幣流通金額   想問多啲有關金管局工作，歡迎電郵到小森、阿四專用郵箱： [email protected] 最新小森阿四專欄 2018年12月28日後會有期 2018年12月21日利息，你識唔識？ 2018年12月14日優化版香港年金計劃嚟啦！ 2018年12月07日銀行擠提的日子 2018年11月30日「貼現窗」係一隻乜嘢「窗」？ 查看全部 查看全部 修訂日期:2018年11月16日 分享