韓國首爾垃圾分類方法 - Creatrip

韓國喺1990 年代開始多咗關注垃圾回收問題，之後韓國環境部推動咗好多政策。

korea ministry of environment logo. 其中一個政策係1995 年推動嘅按垃圾體積收費(VBWF) ... MenuIconLocationIcon旅行資訊韓國代購韓國新知語言學校LocationIconSearchIconLanguageIcon繁體中文(台灣)繁體中文(香港)TiếngviệtEnglish日本語ภาษาไทยMyCircleIcon首爾一個歷史與現代融合嘅城市仁川除咗機場仲係一個充滿特色嘅城市釜山擁有廣闊大海同時尚魅力嘅城市濟州望住閃爍嘅大海令人心情療癒嘅小島大邱一個充滿青春活力嘅城市江陵一個被海景圍住超多韓劇嚟取景嘅城市春川擁有大自然美景同隱藏美食嘅城市全州充滿歷史文化氣息嘅城市RenewIcon重設首爾一個歷史與現代融合嘅城市仁川除咗機場仲係一個充滿特色嘅城市釜山擁有廣闊大海同時尚魅力嘅城市濟州望住閃爍嘅大海令人心情療癒嘅小島大邱一個充滿青春活力嘅城市江陵一個被海景圍住超多韓劇嚟取景嘅城市春川擁有大自然美景同隱藏美食嘅城市全州充滿歷史文化氣息嘅城市RenewIcon重設韓國首爾垃圾分類方法啱啱到韓國，唔知點將垃圾分類？分錯咗被人罰錢？唔怕！等小編幫大家解決呢個疑難啦！HyejooRoayearagoShareIconHello，大家好，我哋係由韓國人每日提供最新韓國旅行資訊嘅Creatrip。

隨住人口不斷增加，垃圾嘅數量當然跟住變多，所以垃圾分類非常重要！好多國家都推動環保回收嘅政策去處理垃圾。

發展迅速，人口又多嘅韓國亦都唔例外，政府都制定咗一啲垃圾分類回收嘅措施。

大家啱啱嚟到首爾嘅話，可能唔係好知點做，呢一篇介紹一定可以幫到大家！回收嘅重要性同歷史首爾係一個不斷發展緊大都市，在制定回收（재활용품）政策之前，首爾嘅所有垃圾都會送去垃圾堆填區或者焚燒。

以下係家庭垃圾（包括可回收嘅垃圾）係點樣被運到垃圾處理廠同被焚化嘅流程圖。

之但係，呢種垃圾處理方法其實對環境有害，所以需要一個更好嘅方去處理垃圾。

韓國喺1990年代開始多咗關注垃圾回收問題，之後韓國環境部推動咗好多政策。

其中一個政策係1995年推動嘅按垃圾體積收費(VBWF)系統，即係規定由消費者為自己製造出嚟嘅垃圾付費。

推行呢個政策最先要求大家必須買指定嘅垃圾袋去裝垃圾（之後會詳細介紹），但係因為好多指導方針都唔清唔楚，令到當時唔可以好嚴格咁執行。

不過而家韓國人已經適應晒呢啲政策，回收已經係日常生活習慣嘅一部分，亦都可以睇成喺韓國生活嘅一個好處，因為做緊嘅嘢真係保護到環境。

而家，包括可回收物在內嘅所有垃圾都經過分類先會送去回收廠，而食物垃圾就當做堆肥或者動物飼料。

下面嘅圖顯示咗截至2018年首爾各種類型嘅垃圾之中分別產生咗幾多：每日有3,033噸普通垃圾，3,641噸可回收嘅廢物，同2,810噸食物垃圾。

Yonhapnews雖然有好多政策幫助減輕環境負擔，但到今日仍然存在一啲問題。

首爾面臨最大嘅問題係市民唔將可回收嘅廢物沖洗咗先揼。

如果上面仲有殘餘物（例如食物）嘅話，就回收唔到。

所以為咗提高回收率，免得浪費，政府處理呢啲可回收嘅廢物前會清潔咗先。

垃圾處理政府推行嘅 VBWF系統中，有按垃圾類型嘅專門垃圾袋，一般可以分為：食物垃圾(음식물쓰레기)、可回收物品(재활용품)、唔可以回收物品/一般垃圾(일반쓰레기)同大件垃圾。

喺韓國每一個區都會有唔同指定嘅垃圾袋，如果大家只係用一個普通黑色膠袋去裝，可能就會被罰款，同時冇得被回收。

所以大家係揼垃圾之前記得一定要先買垃圾袋，而家就等小編同大家講解每一個垃圾袋大約係幾錢啦。

每區有特有的垃圾袋，唔可以隨便咁用，例如如果住喺江南區，就唔可以用鐘路區嘅垃圾袋。

呢啲垃圾袋可以喺當地雜貨店、超市或者便利店買到，價格會因地區、大小同係咪用現金或者卡嚟買而有所唔同。

普遍嚟講，一個20L嘅一般垃圾袋係480won（約HKD3.3），3L嘅食物垃圾袋大約300won（約HKD2）。

另外每一個區嘅垃圾袋可能顏色都會有唔同，不過通常一般垃圾都係白色。

瑞草區嘅一般垃圾袋（일반쓰레기）瑞草區嘅食物垃圾袋（음식물쓰레기）食物垃圾袋都會根據唔同區有唔同嘅顏色，瑞草區係藍色，但其他區有可能係黃色或者粉紅色。

另外，一啲住宅大廈會有一個特定嘅垃圾處理區。

不過要留意，某啲垃圾只可以喺特定日期先可以處理，所以要睇清潔本身大廈嘅政策。

至於一啲無法輕易處理嘅大件物品，就要可以聯絡地區辦事處(구청)安排回收，同收取費用。

市民嘅責任市民唔單只有責任將垃圾分類，可回收嘅垃圾仲需要細分，小編就幫大家介紹一吓啦。

無論係邊種可回收嘅垃圾，都應該採取以下嘅步驟：沖洗->摵走所有標籤、貼紙->晾乾->壓扁（減少體積）->分類-> 揼去適當嘅指定位置。

紙類(종이류)被食物污染嘅紙製品係唔可以回收，只可以當一般垃圾。

報紙需要確保係乾同平，廣告傳單可能會夾雜咗膠，需要分開處理。

書或者筆記簿就要撕走封面，如果係螺旋型嘅筆記簿，就要將膠嘅封面同膠圈分開處理。

紙杯要清空，用水沖洗乾淨，壓扁之後先揼。

 至於盒同紙板，一定要摵走所有膠紙、貼紙同標籤，確保佢哋係扁平同乾嘅，然後疊起再綁埋一齊，再揼去適當嘅區域。

包裝紙盒(종이팩) 包括牛奶紙盒、紙巾筒、廁紙筒同紙巾盒。

要摵走所有唔係紙質嘅材料（例如任何塑料），清洗乾淨同放平，疊好再綁起處理。

膠嘅容器(플라스틱용기류)例如係膠嘅飲品樽、洗衣液嘅樽，呢啲容器通常都係有顏色（透明膠樽係屬於另外一個類別），一樣要經過沖洗先好揼，如果有其他標籤、貼紙係由同本身容器唔同嘅材料製成嘅話，就一定要喺處理之前摵走去。

如果係好難清洗嘅（例如牙膏），就要當一般垃圾處理。

要留意，玩具、文具、衣架、牙刷、電話、BB車等等都唔屬於呢一個類別。

膠袋類(비닐류)主要係指用包裝紙、膠袋，一樣要清潔好先回收。

有啲睇落好似係膠，例如膠手套、膠墊、枱墊等等都唔屬於呢一個類別。

透明膠水樽(투명페트병) 透明膠樽瓶係一個單獨嘅類別，因為呢類型嘅樽容易啲回收，而且材料嘅質素高啲。

呢啲樽可以回收之後被製成衫、鞋、手袋等等。

處理呢類型樽嘅方法好簡單，清空之後沖洗乾淨，摵走標籤，壓扁，然後擰返個蓋就得啦。

淨係將個標籤摵走就大大提高呢啲樽嘅回收率。

好似上圖咁壓扁個水樽之後，摵走標籤再擰返個蓋就搞掂啦。

要注意嘅係，唔同地區有唔同日子回收呢類膠樽，要睇清楚日子先好揼。

發泡膠(흰색스티로폼류) 包括泡泡紙，或者用嚟保護盒入面物品嘅填充物，呢啲材料通常會被製成毛氈、框架、混凝土等等，但係而彩色嘅發泡膠同建築用嘅發泡膠就無法回收。

回收前一樣需要清空->沖洗->摵走標籤、貼紙->揼去指定區域。

一啲用嚟保護電子產品（例如電腦、電視、廚房電器等）嘅發泡膠，通常可以拎返去買嗰間舖頭，佢哋會幫手回收。

玻璃樽(유리병)玻璃樽有兩種，一種係可以帶返舖頭攞返押金嘅，一種係EPR（ExtendedProducerResponsibility）嘅樽。

EPR玻璃樽上面會有標記（如上圖），可以喺屋企度回收呢類嘅樽。

如果係好似下面張圖嘅玻璃樽飲品，就可以拎返舖頭攞返押金，通常係100-130won（約HKD0.7-0.9）左右。

無論係邊一種樽，回收嘅過程都係一樣，先清潔，再摵走所有標籤、貼紙。

所有碎嘅玻璃、有色玻璃、水晶、燈泡、花樽、瓷器、廚具都係唔可以回收。

金屬罐、鐵類(금속캔및고철류)包括飲品鋁罐、罐頭、釘、金屬線、純鋁（唔包括錫紙）等，呢啲材料被回收去整其他嘅罐同鋼筋入面。

同樣需要清潔乾淨，摵走所有標籤、貼紙之後先回收。

一啲裝過gas喺入面罐，回收之前，一定要在個罐上面打一個窿，避免爆炸。

如果有淨低gas嘅罐，可以用指定嘅袋包好，再聯絡地區辦事處去處理。

廢棄電子產品(폐전자제품)如果更換電子設備，可以要求舖頭回收舊嘅產品。

例如買咗一部新Macbook，可以要求AppleStore職員回收舊嘅Macbook。

另一個方法係揼去有收集電子垃圾嘅地點。

至於大型電子產品（雪櫃、電視等），可以聯絡地區辦公室(구청)去安排收費回收。

雜物、其他注意事項除咗上述常見嘅類別之外，仲有其他唔太常見嘅特殊回收垃圾，小編再一一為大家講解。

電池：通常喺便利店度回收，特別係手機電池。

衫/布料：有專門收集箱回收，包括衫、袋、鞋、窗簾、地毯。

但係枕頭、毛巾，同有轆嘅物品，例如：溜冰鞋、手提行李箱，係唔可以回收。

油：食用油凍咗之後容易結成一舊。

如果就咁將啲油倒入鋅盤，可能會整塞去水管。

所以應該將啲油收集喺罐或者樽度，再揼去一般普通垃圾度。

燈泡：爛咗嘅燈泡或LED燈係唔可以回收，先用紙包起，再當一般垃圾咁揼。

完整嘅燈泡就可以放去指定嘅回收地點。

生果網：用嚟放水生果或者菜嘅網可以當膠去回收，但如果唔肯定個網嘅材料，都可以放去一般垃圾桶。

冰袋：如果附近有收集冰袋嘅指定地點，就可以揼去嗰度。

如果冇嘅話，可以當做一般垃圾咁揼。

再提提大家，任何未列入上述可回收類別嘅垃圾，都可以當一般垃圾咁揼。

包括木筷子、牙刷、尿片、收據、貼紙、藥丸包裝紙、膠紙、被食物污染嘅物品、橡膠/乳膠手套等。

另外有指定PP（聚丙烯）袋可以回收包括玩具、橡膠軟管、膠繩、鏡、瓷器（碟）、瓷磚、袋、牆紙、膠墊、膠波。

如果係少量嘅，都可以放入一般垃圾桶，但如果數量較多，就需要聯絡地區辦公室攞PP袋去回收。

公共責任目前首爾制定減少一次性膠製品嘅計劃同政策，例如大多數舖頭嘅膠袋會費100won（約HKD0.7），鼓勵市民買嘢嘅時候自己帶定購物袋。

一啲位於首爾嘅麥當勞唔再提供膠飲管。

首爾嘅Starbucks就用紙嘅飲管。

公共場所亦設有可回收同一般垃圾兩種垃圾桶。

上圖標住PET嘅垃圾桶，就係回收透明膠樽嘅垃圾桶。

到底啲垃圾桶可以喺邊度搵到？파이내셜뉴스平時喺Cafe、地鐵站、公共廁所等可能都會好易搵到垃圾桶，但係喺街上真係好難見到，呢一點就連韓國人都好有同感。

因為由2018年開始，所有飲品禁止帶上車，當時一實施，好多人都習慣唔嚟，因為平時都會買咖啡外賣拎走，但嗰時如果帶飲品上車就會被拒絕，好多人都會為咗快啲上車一口氣咁飲晒，然後就將膠杯隨便揼喺巴士站附近，造成好多垃圾。

不過呢個問題最近都有改善，唔少巴士站附近都開始已經有垃圾桶。

另外喺街上好難搵到垃圾桶嘅原因有好多，就好似係人多嘅弘大或者永登浦等市中心。

因為人多好多時就會令人想隨便揼垃圾，如果冇好好處理，垃圾就會有好多異味，而且處理嘅成本亦都好高。

所以為咗解決呢個問題，增加垃圾桶嘅數量固然重要，但對於隨便拋垃圾嘅人嚟講佢哋都要遵守基本嘅禮儀。

隨便揼垃圾要罰幾多錢？如果非法揼垃圾會因為唔同地區，罰嘅價錢都會唔一樣，大約價錢如下：隨便揼煙頭、紙巾-罰50,000韓幣屋企揼出嚟嘅垃圾-罰100,000韓幣如果唔用指定分類垃圾袋，用咗普通垃圾袋-罰200,000韓幣喺韓國對於非法揼垃圾罰款真係好高，所以大家喺揼垃圾之前一定要買好自己住緊地區嘅垃圾袋，同埋好好分類。

參考資料如果想更深入了解相關內容，可以撳入以下嘅網頁度睇。

SUSA(SeoulUrbanSolutionsAgency)SeoulSolutionsCityOfSeoulMinistryOfTheEnvironment以上就係小編整理嘅首爾垃圾回收規則，希望可以幫到啱啱嚟首爾生活嘅朋友仔啦！如果有更多想知嘅內容，都可以隨時留言或者dm話俾我哋知：） Instagram：creatrip.hk Facebook：Creatrip帶你認識韓國每一面 韓國代購RecommendIcon其他推薦LoadingIconFacebookIconFacebookLineIconLineWhatsAppIconWahtsappEmailIconEmailTwitterIconTwitterLinkIcon繁體中文(台灣)繁體中文(香港)TiếngviệtEnglish日本語ภาษาไทยCloseIcon旅行資訊ArrowIconCalendarIcon行程預約CouponIcon獨家優惠券ReviewIcon旅行資訊TipsIcon小貼士韓國代購ArrowIconGiftIcon特惠專區SaleIcon限定優惠NewIcon新商品FashionIcon時尚服飾CosmeticIcon化妝護膚FoodIcon熱賣食品LivingIcon生活用品ArticleIcon專欄商品問價想買嘅商品都可以問價韓國新聞ArrowIconCultureIcon韓國文化&生活KPopIcon韓國娛樂NewsIcon韓國新聞語言學校ArrowIconLanguageSchoolIcon語言學校