金羅漢果雪梨乾水

雪梨乾 4片. 南北杏 2湯匙. 蜜棗 1粒. 水 1.8L. 做法：. 1）金羅漢果洗乾淨外殻，然後整碎；. 2）其他材料都沖洗乾淨，待水滾後放入，大火煲8分鐘，轉 ... 跳到主要內容 金羅漢果雪梨乾水 日期： 10月07,2018 取得連結 Facebook Twitter Pinterest 以電子郵件傳送 其他應用程式 間中會煲下羅漢果，今次加左雪梨乾一齊煲，滋潤又可降火，甘甘甜甜，小朋友都愛飲😋阿仔牙肉腫痛，飲左都可以舒緩返🤗 健康、易整、好飲！ 功效：清熱潤肺、止咳、腸燥便秘 材料： 金羅漢果1個 雪梨乾4片 南北杏2湯匙 蜜棗1粒 水1.8L 做法： 1）金羅漢果洗乾淨外殻，然後整碎； 2）其他材料都沖洗乾淨，待水滾後放入，大火煲8分鐘，轉細火煲15分鐘，熄火焗多10分鐘便完成 ❤️溫馨提示❤️ 1）羅漢果都屬於涼，所以要因應自己身體來飲用 2）金羅漢果系用低溫真空脫水，煲出來顏色淺一點而去左蕉苦 3）用羅漢果亦可，放落去煲時先試少少味，如果系苦既就吾好要啦，本身好既羅漢果系甘甘甜甜的 其他食譜👇🏻 羅漢果山楂茶 #食譜#飲品#羅漢果#簡易食譜#保健飲料品 保健飲品 飲品 取得連結 Facebook Twitter Pinterest 以電子郵件傳送 其他應用程式 留言 Unknown2018年10月7日下午2:48食譜回覆刪除回覆回覆新增留言載入更多… 張貼留言 熱門文章 蒜蓉煎豬扒 乾煎豬扒比較熱氣，我鐘意食有d汁既又好送飯！材料:梅頭豬扒3件切件蒜頭5粒切碎粒水適量油少許調味料:糖1茶匙生抽3湯羹油少許做法:1)豬扒切件用調味料先醃半小時；2)熱好鑊後加入橄欖油，將豬柳兩面煎至金黃色，加入半飯碗水蓋上蓋轉中細火慢慢煮(大約5分鐘)可以開蓋，繼續煮至全熟，然後將豬柳和肉汁分開盛起備用；3)用回此鑊，加少許橄欖油爆香蒜蓉(圖7)，再將之前盛起的汁回鑊(圖8),然後加入豬扒兜均即可(圖9).1）豬扒我會選用梅頭，有少少肥好味d2）做法2:加入水蓋上蓋炆焗一陣，咁樣會易熟d同埋做到有汁的效果，可以令到蒜蓉汁肉味更濃Facebook:LoveKelly'sKitchenhttps://m.facebook.com/Love-Kellys-Kitchen-831559940298925/ 美極煎豬柳 鍾意美極嘅就一定鍾意食....屋企入左支大美極俾我老公食．麥．皮！其實我覺得好奇怪，不過佢食遮😆....我怕佢有排用，咪幫幫佢手囉🤣👉🏻想煮就快D睇片🎬材料:急凍豬梅頭扒3件美極鮮醬油1湯匙水少許豬扒醃料：美極鮮醬油2湯匙糖1茶匙麻油1茶匙做法:1）將豬柳兩邊揼鬆，然後切件，備用；2）加入調味料醃15分鐘；3）熱好油鑊加入豬柳煎至兩邊金黃色；4）然後再加少許水和美極,蓋上蓋用細火煮5分鐘，煮至收汁便完成#有冇人食麥皮要落美極#我好想知#簡易食譜#中式#家常小菜#簡單調味料#零失敗#lovekellyskitchen 蕃茄肉碎炒滑蛋 天氣咁酷熱，真系冇乜胃口，簡單d煮返個甜甜酸酸既蕃茄蛋，好食又開胃！大小朋友都啱食！材料:蕃茄3個肉碎$10蛋8粒茄汁2湯羹糖1茶匙肉碎調味料:生抽1湯羹糖1茶匙油少許水少許做法:1)蕃茄去皮切件(可以參考下面的蕃茄去皮小秘訣)；2)肉碎用調味料醃好，雞蛋撥好成蛋漿備用；3)熱油鑊後，炒熟肉碎先盛起，再用回此鑊炒蕃茄件，將肉碎回鑊加少許水、茄汁和糖兜均先盛起備用；4)開新鑊，熱好油鑊(一定要熱),下蛋漿後不停用鑊鏟兜底，令蛋吾會過熟，此時加入材料3）後熄火兜均便完成Facebook:LoveKelly'sKitchenhttps://m.facebook.com/Love-Kellys-Kitchen-831559940298925/ 咖哩炆羊腩 買左D急凍羊腩粒，吾想整羊腩煲，咁不如整咖哩啦，加埋D包包去點咖哩，好快清曬😋材料：急凍羊腩粒450g甘筍1條薯仔1個洋蔥1/2個紅蔥頭少許切粒蒜頭少許切粒調味料：咖哩醬3湯匙糖1茶匙水適量(用呢款急凍羊腩粒)做法：1）紅蘿蔔薯仔去皮切件，洋蔥亦切件，備用；2）羊腩粒加米酒飛水，備用；3）熱油鑊爆香洋蔥、薯仔和紅蘿蔔先盛起備用；4）加入紅蔥頭粒和蒜頭粒爆香，再加入咖哩和水，然後加入羊腩粒和少許糖，蓋上蓋用細火炆30分鐘；5）最後將其他材料回鑊兜勻，再次蓋上蓋用細火炆30分鐘便完成💕小貼士💕呢款羊腩粒比較細粒，所以炆煮時間比較短，如果切得大舊就要相對加返烹調時間🍚更多靈感...快D訂閲我嘅YouTube頻道👇🏻https://goo.gl/Ri2DpA👗Kelly日常生活、玩、買、食可到IG👇🏻https://goo.gl/B2ngWp💕我的Blog👇🏻https://goo.gl/VPedfc#簡易食譜#咖哩食譜#lovekellyskitchen#自家煮