倉頡中文輸入法- 維基百科，自由嘅百科全書

基本上，只要將字形一分为二，最左、最上、最外嘅字首部份，取首、尾兩碼；其餘嘅字身部份，依規則取三碼，就可以拆解所有漢字。

倉頡字母分類[編輯]. 「倉頡字母」（簡稱 ... 倉頡中文輸入法 出自維基百科，自由嘅百科全書 跳去導覽 跳去搵嘢 中文輸入法倉頡中文輸入法 發明人 朱邦復 發明年份 1976年 類別 字型 「倉頡輸入法」嘅繁體字拆碼  倉頡中文輸入法（粵拼：cong1kit3zung1man2syu1jap6faat3） 係由台灣人朱邦復喺1976年創製嘅中文輸入法，最初只有繁體中文版本，原名係「形意檢字法」，用嚟解決電腦輸入漢字嘅問題。

1978年由中華民國前國防部長蔣緯國將軍同佢改名為「倉頡輸入法」。

朱邦復唔收分毫噉公開倉頡輸入法，令到電腦漢化有好大嘅進展。

而家大部份嘅作業系統都附埋倉頡輸入法。

佢係繁體中文使用地區用得最多嘅形碼輸入法。

而家最新嘅官方版本係第五代，另外有一啲民間嘅修改版。

發明人後來亦基於呢個輸入法，另外製作咗一個「蒼頡檢字法」，用喺「倉頡系統」度。

佢有啲部份同倉頡輸入法相似，但亦有唔少改變。

目錄 1版本演進 2取碼原則 2.1倉頡字母分類 3其他特色 3.1使用狀況 4由倉頡衍生嘅輸入法 4.1簡易／速成輸入法 4.2快速倉頡輸入法 4.3新倉頡輸入法 4.4大新倉頡輸入法 5參考 6出面網頁 版本演進[編輯] 淨係印咗倉頡字根嘅鍵盤，設計同用色都模仿《明日帝國》中出現嘅中文電腦鍵盤 1977年，喺台灣發表第一代倉頡，根據一萬二千字嘅《國語辭典》設計嘅。

1980年，發表第二代倉頡，只係執過第一代倉頡啲啲。

1982年，發表第三代倉頡，係以《康熙字典》做範圍，揀咗其中嘅四萬字，係將第二代改良嘅成果。

1985年，喺美國發表第五代輸入法同字形產生器，收咗大約六萬字，重增加一啲輔助字形同修正咗少少取碼。

喺朱邦復工作室網站上嘅《第五代倉頡輸入法手冊》嗰本書入面有第三代、第五代改碼字嘅字碼對照表。

而家用得最多嘅係第三代倉頡。

MicrosoftWindows95/98/Me/2000/XP等作業系統之內嘅倉頡輸入法係第三代倉頡嘅改進版（修改咗一啲異體字同加入咗部份香港字，但係有錯碼）。

MacOSX10.4版就用倉頡第五代[1]。

而倉頡之友搞嘅倉頡第五代通用版、國際版同香港版就係用咗第五代倉頡。

Linux或者Unix嘅Xwindow介面上嘅gcin輸入法程式，有得揀用倉頡第五代。

由「面」、「非」呢兩字就可以分得出係第三代定係第五代倉頡： 例字 倉頡第三代 倉頡第五代 蒼頡檢字法 倉頡碼 撳乜掣 倉頡碼 撳乜掣 蒼檢碼 撳乜掣 「面」 一田卜中 MWYL 一田尸中 MWSL 一田尸 MWS 「非」 中一卜卜卜 LMYYY 中一尸卜 LMSY 中尸卜 LSY 取碼原則[編輯] 呢版只提供簡介，詳情可以睇維基書本有關倉頡輸入法嘅內容。

中文字根據「由上而下，由左而右，由外而內」呢啲原則分拆成字型結構，跟住再用倉頡字母拼出嚟。

鍵盤上「A」至「Y」鍵各代表一個倉頡字母（「X」鍵用喺特殊字，「Z」鍵通常唔用），例如「A」係「日」、「N」就係「弓」。

倉頡字母係主要字根（主根），代表24個重要嘅中文字字型部件。

每個倉頡字母都會根據外觀嘅形狀變化，衍生出一啲輔助字形（輔根）。

透過主根同輔根呢啲部件，就可以組成無限個漢字。

倉頡輸入法取碼時，要將一個漢字分爲字首同字身。

一個漢字最少用一個碼輸入，最長係五個碼。

好似噉： 例如： 漢字 分割 碼數 取碼 鍵盤上撳嘅掣 串 整體字，冇得分割 最多取4碼 中中 中中 LL 理 字首：王.字身：里 最多取2.3碼 一土.田土 一土田土 MGWG 菇 字首：艹.次字首：女.次字身：古 最多取2.1.2碼 廿.女.十口 廿女十口 TVJR 語 字首：言.次字首：五.次字身：口 最多取2.2.1碼 卜口.一一.口 卜口一一口 YRMMR 註︰ 上面嘅數字係取碼的類型。

基本上，只要將字形一分为二，最左、最上、最外嘅字首部份，取首、尾兩碼；其餘嘅字身部份，依規則取三碼，就可以拆解所有漢字。

倉頡字母分類[編輯] 「倉頡字母」（簡稱「主根」）分咗五大類，共26個倉頡字母，括號文字為相對鍵同讀音： 哲理類：日（A）、月（B）、金（C）、木（D）、水（E）、火（F）、土（G） 筆畫類：竹（H，斜）、戈（I，點）、十（J，交）、大（K，叉）、中（L，縱）、一（M，橫）、弓（N，鈎） 人體類：人（O）、心（P）、手（Q）、口（R） 字型類：尸（S，側）、廿（T，並）、山（U，仰）、女（V，紐）、田（W，方）、卜（Y） 複合類：無論喺任何情況下，最多攞首尾兩碼，例如：門（AN，日弓）、鬥（LN，中弓）、目（BU，月山）、阝（NL，弓中）、虍（YP，卜心）、隹（OG，人土）等等 特殊類：難（X），用於特定嘅形塊或部件，例如：臼（HX，竹難），卍（NX，弓難）等等大約十幾種形塊或部件；重（Z）（喺第三代唔再用，一啲自製倉頡當佢係特殊鍵） 倉頡字碼嘅鍵盤排列 印咗倉頡字碼大字嘅鍵盤 同時印咗倉頡字碼同英文字母嘅鍵盤，係臺、港、澳地區常見嘅鍵盤類型 同時印咗倉頡字碼同英文字母嘅鍵盤，配色同外觀比較優雅 頭24個倉頡字母重可以根據個樣再變化，衍生出「輔助字形」（簡稱「輔根」）嚟辨別所有嘅中文字。

例如：「水」衍生出「氵」（三點水）；「手」衍生出「扌」（提手旁）；「中」衍生出「丨」（主幹係豎筆）；「弓」衍生出「亅」（重點係鈎筆）；「田」衍生出外圍嘅「囗」（框入面有嘢，唔同『口』）等等。

詳情可以睇下維基書本有關倉頡輸入法輔助字形嘅內容。

擧個例，「妲」字由主根「女、日、一」組成，輸入時就要撳「女(V)、日(A)、一(M)」呢三個掣；「泗」字由輔根「氵、囗、」組成，由於「氵」隸屬「水」，「囗」隸屬「田」，「」隸屬「金」，輸入時就撳「水(E)、田(W)、金(C)」呢三個掣。

實際應用嗰陣，主根同輔根通常都會混用，例如「烟」字由主根「火」、輔根「囗」（隸屬「田」）同主根「大」組成；「桐」由主根「木」、輔根「冂」（隸屬「月」）同主根「一」、「口」組成；「銀」字由主根「金」、「日」同輔根「」（隸屬「女」）組成。

其他特色[編輯] 以下係字形輸入法嘅比較 輸入法 時間（年） 輔助字根數 大五碼常用字重碼率[1]共5401個字 倉頡 1976 140個（含難字根） 三代： 434 5401 = 8.04 % {\displaystyle{\frac{434}{5401}}=8.04\%} 鄭碼 1980 約170個 不明 五筆 1983 約200個 大易 1988 約250個 三碼： 2115 5401 = 39.16 % {\displaystyle{\frac{2115}{5401}}=39.16\%} 四碼： 613 5401 = 11.35 % {\displaystyle{\frac{613}{5401}}=11.35\%} 嘸蝦米 1989 基本字根約350個簡速字根約150個 2515 5401 = 46.57 % {\displaystyle{\frac{2515}{5401}}=46.57\%} 行列 1992 超過300個 1064 5401 = 19.70 % {\displaystyle{\frac{1064}{5401}}=19.70\%} 使用狀況[編輯] 臺灣：根據2011年波仕特嘅調查報告指出，臺灣使用倉頡輸入法嘅比例係9.9%。

其他嘅有注音輸入法70%、嘸蝦米輸入法10.7%。

[2] 港澳：由於普遍市民唔識或者唔習慣注音同普通話拼音，而粵語拼音亦唔夠流行，所以好多人用以字形取碼嘅倉頡輸入法。

香港雖然無全面統計數據，但係根據輸入法硏究者李祥喺2000年所講，香港使用者最多嘅輸入法係倉頡輸入法。

嗰年年初，喺中文大學舉辦嘅研討會上，現場近三百名教師超過九成使用倉頡輸入法。

[3]而2001年「香港中學校際中文輸入大賽」度，1288人入面，有761人使用倉頡輸入法，其次爲速成輸入法，有317人人選用。

其他輸入法都唔夠4%。

[4] 由倉頡衍生嘅輸入法[編輯] 簡易／速成輸入法[編輯] 簡易輸入法，又叫做速成輸入法（簡稱簡易或者速成），係倉頡輸入法嘅簡化版。

佢嘅拆字法同倉頡一樣，只係攞頭尾兩碼，所以一個中文字最長只有兩碼。

呢個取碼法比較簡單，所以幾受初學者歡迎，但係用家要喺大量同碼字裏面揀要嘅字，令到輸入速度相對變慢晒。

不過一啲人已經將數字碼嘅部份都死記落嚟，令到個輸入速度提升返。

重有，因為輸入法好早期已經裝定喺視窗作業系統裏面，唔使再裝，係電腦裏面最常用嘅預設輸入法之一。

後來微軟推出「新速成輸入法」，以大量詞庫以及智慧選字為基礎，自動幫使用者揀字，減輕使用者背候選字嘅負擔。

WindowsXP/Vista/7都已經裝定新速成輸入法。

快速倉頡輸入法[編輯] 快速倉頡輸入法，簡稱快倉，係麥志洪喺1987年改良倉頡輸入法而成嘅。

佢嘅特點係，可以當傳統倉頡輸入法使用，亦可以隨意隨時輸入快倉編碼嚟增加速度。

「快速倉頡輸入法」第六代係用GPLv3授權發放。

新倉頡輸入法[編輯] 新倉頡輸入法大約同Windows2000一齊推出。

佢無咩選字嘅麻煩，對一個熟手嘅打字員嚟講，可以完全唔使睇螢幕盲打，交畀系統自動分詞揀字。

不過因為唔少人都唔慣新倉頡嘅盲打模式同冇關連嘅揀字，佢哋都唔多鍾意新倉頡輸入法，甚至無論點都要搵番以前嗰隻倉頡輸入法重新裝過。

正因為咁，微軟喺後嚟嘅WindowsXP裏面重保留咗舊版嘅倉頡輸入法。

大新倉頡輸入法[編輯] 大新倉頡輸入法打破咗TQC全球華人中文輸入法嘅新記錄──220字嘅輸入法，重快過嘸蝦米輸入法嘅最高記錄。

特色係整體少咗取碼數、多咗六段簡碼、有幾種容錯碼、重覆字最佳化編排。

係商業軟件。

參考[編輯] ↑計算準則參見：老話一句：咪學嘸蝦米，學倉頡！@泰瑞的世界 ↑Pollster波仕特線上市調：七成以上民眾使用注音輸入法 ↑李祥：〈兩岸三地使用者最多的中文輸入法〉互聯網檔案館嘅歸檔，歸檔日期2007-02-05.，登喺香港CNET「IT透視鏡」專欄，2000年11月27日。

↑中文輸入法世界：2001年「香港中學校際中文輸入大賽」統計資料及系列報導 出面網頁[編輯] 朱邦復工作室 倉頡輸入法專區 倉頡之友。

馬來西亞 倉頡之友。

香港 倉頡輸入法介紹 雪熊倉頡 輸入法在綫（唔使安裝嘅網上中文輸入平臺，內含倉頡輸入法） 大新倉頡輸入法官方網站 自由倉頡2004 由「https://zh-yue.wikipedia.org/w/index.php?title=倉頡中文輸入法&oldid=1592238」收 屬於1類：字形輸入法屬於1隱類：Webarchive模wayback連結 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 變種 expanded collapsed 外觀 閱改睇返紀錄 多啲 expanded collapsed 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲維基項目 維基同享 第啲話 DeutschEnglishEsperantoFrançaisItaliano日本語한국어РусскийУкраїнськаTiếngViệt吴语中文文言 改拎