姜濤成就解鎖為麥記賣廣告經典急口令改成「姜B食過笑哈哈 ...

... 肉巨無霸拍廣告，麥記為他推出「姜B餐」同「姜B卡」，姜濤將麥記八十年代家傳戶曉的急口令：「雙層牛肉巨無霸，醬汁洋蔥夾青瓜，芝士生菜加芝麻， ... 您使用的瀏覽器版本較舊，已不再受支援。

建議您更新瀏覽器版本，以獲得最佳使用體驗。

姜濤勝出《全民造星》後第一時間話最想食麥記而成為經典﹗出名愛食麥記的姜濤，最近成為代言人，粉絲為他能成就解鎖而高興，姜濤更將八十年代經典急口令重新演繹並加入「姜B」原素，姜濤接受傳媒訪問時重演廣告呢一幕時，被姜糖發現竟然極度老尷。

文：東方新地｜圖：《新假期》截圖、麥當勞廣告發相姜濤最近成為麥當勞新推出的煙肉巨無霸代言人。

麥記為姜濤出姜B餐、姜B卡姜濤獲得叱咤我最喜愛的男歌手獎，人氣沖天，最近更取代陳奕迅成為麥記代言人，今次姜濤為新推出的煙肉巨無霸拍廣告，麥記為他推出「姜B餐」同「姜B卡」，姜濤將麥記八十年代家傳戶曉的急口令：「雙層牛肉巨無霸，醬汁洋蔥夾青瓜，芝士生菜加芝麻，人人食過笑哈哈」重新演繹，將經典改成「芝士生菜加bacon，姜B食過笑哈哈」。

廣告於2月28日出街，「姜B餐」三月有售。

姜濤接受傳媒訪問時，再演繹廣告中的急口令時，竟表現得怕醜又尷尬，姜糖們紛紛留言指偶像個樣勁老尷，「好尷尬喎佢」、「2021尷尬之最」、「新包就係加咗煙肉嘅巨無霸，佢講出嚟自己都笑」、「係人都知佢最怕被人叫B，今次仲要自己講出嚟」。

姜濤接受傳媒訪問時，親身再配合舞步rap出急口令時，竟然表現得勁老尷。

姜濤即席演繹廣告中跳住舞講急口令。

姜糖戥姜濤尷尬：姜糖睇得出姜濤好老尷。

姜濤介紹新包時直言：「簡單嚟講就係加咗塊煙肉﹗」姜糖話姜濤講完都覺尷尬。

直指姜濤好似尷尬癌咁。

有姜糖戥姜濤感到尷尬，更叫姜濤經理人要小心篩選廣告代言，又指姜濤向來不喜別人叫做B，今次廣告中卻要稱呼自己做「姜B」，姜糖肉緊地替姜濤出頭。

姜糖睇得出姜濤好尷尬。

姜濤成就解鎖為麥記賣廣告經典急口令改成「姜B食過笑哈哈」姜糖：「佢講完自己都尷尬﹗」姜濤以巨無霸笑自己肥當記者問到用一樣食物形容自己及經理人花姐時，姜濤笑指巨無霸來形容自己，因為新年食多了，身形變成巨無霸一樣重量級，而花姐係「加咗煙肉嘅巨無霸」，姜濤講完自己都忍唔住笑：「可以想像到佢肥咗幾多﹗哎呀﹗又拉花姐落水㖭﹗」姜濤話自己過完年肥咗多好，肥到好似巨無霸。

姜濤以煙肉巨無霸形容經理人花姐，笑指花姐過年後再肥咗好多，講完可愛伸脷。

姜濤叫大家去食姜B餐時，向大家送出大心細心，不過個樣都係怕怕醜咁，最後一句：「唏﹗總之快啲嚟食啦﹗」好搞笑﹗姜濤在廣告中大頭全身樣樣齊，可愛表情加電眼，迷死不少姜糖，對於成就解鎖，姜濤直言超開心：「我最鍾意嘅食物非漢堡包莫屬，今次喺經典嘅巨無霸加咗脆煙肉，感到十分滿足﹗」姜濤在廣告中表情多多。

急口令講到「夾青瓜」時，姜濤無限loop兼玩反眼，好搞鬼﹗姜濤在廣告跳住舞rap出急口令，並發起全民急口令的挑戰，只要在限時內讀出急口令，有機會獲得姜B簽名咕𠱸做禮物，相信吸引不少姜糖去排隊挑戰。

成功在限時內挑戰成功急口令，有機會獲得大獎。

另外，姜濤與Mirror成員Stanley日前齊齊現身麥當勞社交平台的直播上，不但品嚐姜B餐的巨無霸，更笑指自己姜B的BforBacon，姜濤又自爆原來曾在麥記做過兼職，但不能偷食，單是聞到陣味都覺滿足。

姜濤在直播中演繹廣告中的急口令時，一樣尷尷尬尬。

姜糖讚勝過林嘉欣、陳奕迅陳奕迅及林嘉欣的麥記廣告都令人留下深刻印象，不過姜糖們大讚姜濤好過前兩位代言人。

姜糖指姜濤做代言人，立即令品牌變得有活力，紛紛指會去塞爆麥記幫襯。

姜濤成就解鎖為麥記賣廣告經典急口令改成「姜B食過笑哈哈」姜糖：「佢講完自己都尷尬﹗」東方新地東方新地東方新地 查看更多