【學英文方法】10個超實用學英文影視App推薦！ - AfterSchool

睇新聞學英文. BBC News; SCMP; CNN News · 看電影學英文. HMVOD; iTunes Store; 電影推薦清單 · 睇英/美劇學英文. Netflix; HBO GO HKG; Amazon Prime ... 探索課程 導師團隊 問答社區 學習專欄 登入 免費註冊 主科中文英文數學通識理科生物化學物理文科歷史中史地理商科經濟企會財其他M1M2ICT視覺藝術其他【學英文方法】10個超實用學英文影視App推薦！ AfterSchool ｜2020-8-6｜6,505 日日死記硬背生字溫grammar覺得學英文好悶好無聊？你有冇諗過原來透過唔同影音App可以令到學習英文變得生動有趣呢？AfterSchool今日就為大家喺芸芸App之中挑選10個超實用嘅學英文影視App，等大家可以邊睇新聞、邊聽歌學英文，助你高效學習英文listening同speaking！ 睇新聞學英文 BBCNews SCMP CNNNews 看電影學英文 HMVOD iTunesStore 電影推薦清單 睇英/美劇學英文 Netflix HBOGOHKG AmazonPrimeVideo 聽歌學英文 VoiceTube LyrcisTraining   睇新聞學英文 成日聽老師講叫我哋要睇多啲英文新聞，但最後大家可能只係拎起份報紙「掀兩掀」就算。

不過其實睇多啲新聞的確可以幫同學更了解世界時事，所以同學應該每日都花少少時間喺閱讀英文新聞上，不但可以訓練到同學嘅listening聆聽能力、reading閱讀能力、擴大同學嘅DSE常用英文生字庫（vocabulary）等，更可以讓同學緊貼時事大局，有助培訓同學喺學習通識科時所需嘅獨立思考同時事觸覺。

不過如果同學英文能力較差，喺閱讀篇幅比較長嘅新聞報導上會倍感吃力，接受嘅新聞資訊亦會相對局限。

雖然一開始要完全理解文章報導會比較吃力，但只要同學能夠培養睇報紙學英文嘅習慣，相信會比起死記硬背句子更有裨益。

為咗令同學能夠培養看新聞學英文嘅習慣，小編推薦以下3個英文新聞App，當中所有新聞App都包含文章、圖片以及影片，幫助大家全方位訓練聆聽能力以及閱讀能力。

  BBCNews 國際新聞權威英國廣播公司BBC相信大家都有聽過，佢嘅BBCNewsApp不單止可以幫你掌握全球最新最熱門新聞，App裡仲有提供「BBCWorldService英語新聞廣播」，幫同學透過廣播嚟訓練聽力。

BBCNewsApp亦可以讓用家自訂個人化新聞，喺EditMyNews裏面添加自己有興趣嘅內容，小至lifestyle大至新型冠狀肺炎都有，個人化新聞會優先顯示喺A嘅主頁，方便大家唔洗每次特登search相關新聞。

Android:按此下載 iOS:按此下載   SCMP 南華早報SCMP相信大家都唔陌生，透過SCMPApp用家可以即時接收到最新嘅本地新聞以及國際新聞。

SCMP新聞分類清楚並報導內容廣泛，同學亦可以自定感興趣新聞內容，包括《中美關係》、《中國經濟》、《一帶一路》、《K-pop》等等，新聞提要同BBCNewsApp一樣會優先顯示喺App嘅主頁。

另外用家亦可以將喜歡文章添加為到書籤，方便任何時間閱讀。

Android:按此下載 iOS:按此下載   CNNNews 美國有線電視新聞網CNN是全球權威新聞媒體之一，透過CNNNewsApp，同學可隨時了解最新頭條新聞以及要聞，助大家掌握最新國際時事。

CNN新聞分類清楚，包括國際、政治、輿論、科技和娛樂等多元主題的新聞，用家可選擇有興趣的主題嚟閱讀英文新聞，或者係觀看英語新聞短片。

CNNNewsApp會發佈突發新聞提示並追踪後續發展，用户亦可以觀看新聞報導剪輯同瀏覽新聞照片。

Andriod:按此下載 iOS:按此下載   看電影學英文 相信唔少同學都中意睇電影打發時間，不過唔知大家有冇諗過喺欣賞電影嘅同時能夠學英文呢？其實我哋平時喺書本上學到嘅英文好少會出現喺日常對話中，但透過電影對白同學可以學到口語化嘅英文。

舉個例子，外國人日常用英語打招呼嘅時候經常講“How’syourday?”，但冇人會講“Howareyou?”同答“Iamfine.Thankyou.”。

另外，睇電影學英文嘅另一大好處係能夠根據電影上下文學習DSE常用英文生字。

相信唔少同學仔同小編一樣都試過齋靠死記硬背個vocablist，結果喺作文用錯哂啲生字。

但透過睇電影，同學唔單止可以學到生字嘅意思同正確發音，仲可以學識喺咩場合用呢啲生字。

不過有時候電影入面教嘅英文未必100%正確，喺現實生活中進行交流時必須謹慎使用。

舉個例子，”cheeky”有帶厚面皮嘅意思，不過喺電影中有時會演譯為可愛/得人鐘意嘅意思。

如果日常生活用cheeky嘅話對方可能會因此而感到反感。

畀個睇電影學英文心得大家，喺睇電影嘅時候可以先由睇中文字幕轉成睇英文字幕，過多一段時間就連字幕都唔開。

雖然一開始可能會因為聽唔切角色對白而失去學習動力，但只要大家堅持呢個聽力訓練，總有一日可以睇得明成套戲！ 為咗幫大家可以輕鬆睇電影學英文，小編精選咗以下2款睇電影嘅App同準備咗電影推薦清單畀大家做參考！   HMVOD HMVOD是由數碼中國集團有限公司所推出的線上收費影音平台，專門提供線上觀看最新最熱門電影、電視劇、卡通片以及綜藝。

HMVOD每個星期都會更新熱門嘅荷里活電影，保證唔會悶親你！HMVOD月費服務計劃為每月港幣$88，可支援2部裝置同時收看。

而家註冊成為會員能免費試看一個月𠻹！ Android:按此下載 iOS:按此下載   iTunesStore 對於蘋果用戶來說，iTunesStore一定唔陌生，Apple喺呢幾年不斷取得最新各大電影版權授權後，隨時都有熱門電影上架，可以說算是目前最快和最高畫質的一個租借平台，而且畫質最高可達到4K。

另外iTunesStore同普遍嘅串流平台唔一樣，唔會受制於月費計劃。

而且所有電影都可以單獨永久購買珍藏/租借，iTunesStore亦會不定期推出優惠價租借電影，令到預算唔多嘅同學都可以睇到電影！ iOS:內置   電影推薦清單 年年咁多新電影上映唔知揀邊套睇好？以下係小編推薦嘅幾套經典必睇電影，相信可以畀大家作一個參考！ 穿Prada的惡魔DevilWearsPrada 呢套電影係講一個來自中西區嘅平凡女仔Andrea喺獲得頂尖時尚雜誌總編助理嘅工作之後人生有180度大轉變，而呢份工亦為她嘅人生帶來最殘酷嘅考驗。

這個殺手不太冷Léon:TheProfessionalMovie 一名12歲嘅女孩Mathilda，家人被謀殺後，好不情願被職業殺手Léon收留。

當她成為他的徒弟並了解殺手的行徑時，兩個人之間慢慢形成了一種不尋常的關係。

玩轉極樂園Coco 熱愛音樂的米哥，不顧家人反對立志要成為同偶像ErnestodelaCruz一樣咁犀利嘅音樂巨星。

米哥為咗參加夢寐以求嘅歌唱比賽，卻唔小心闖入神秘嘅「亡靈之城」！喺嗰到米哥不但遇上離世嘅親人，更加同入面嘅亡靈徳哥成為好友。

在旅程中米哥更意外發現關於家族嘅秘密！   睇英/美劇學英文 除咗睇電影之外，睇英/美劇學英文都係一個輕鬆又愉快的學習方式。

同睇戲一樣，睇英/美劇都可以訓練你嘅語感，改善發音同學習DSE常用英文生字。

睇英/美劇學英文最重要嘅一點係要搵到適合你英語水平嘅電視節目並且減少對字幕嘅依賴。

如果你係初學者嘅話，建議你先可以選擇語速相對較慢嘅節目（例如動畫情景喜劇SouthPark），睇嘅時候可以暫停同倒後寫下新學識嘅單詞。

雖然揀感興趣嘅劇集嚟睇可以大大提升學英文嘅動力，但如果劇集係包含好多專有名詞，例如係醫學、推理、謀殺等名詞，學到嘅生字都較不生活化同好少機會可以用喺考試當中，所以小編建議同學可以先從情景喜劇（sitcom）同肥皂劇（soapopera）開始，慢慢先再揀啲高難度嘅劇集挑戰！以下小編為大家推薦3個睇英/美劇學英文App，等大家都隨時隨地都可以煲劇！   Netflix 相信大部分香港人都非常熟悉Netflix，佢提供大量歐美熱播嘅劇集、電影、紀錄片（documentary）、綜藝節目，以及Netflix原創劇集，像是大熱的《13ReasonsWhy漢娜的遺言》、《You安眠書店》、《MoneyHeist紙房子》等等。

Netflix畀一眾用家自由選擇字幕同語言設定，以及可以下載劇集離線觀看，等大家可以隨時隨地睇Netflix學英文！月費計劃視乎共用人數，價錢由$63-93不等。

Android:按此下載 iOS:按此下載   HBOGOHKG HBOGOHKG可以睇到超過400套HBO原創劇集、電影、紀錄片以及荷里活電影，就好似大熱嘅《GameofThrones權力遊戲》、《SiliconValley發明家：矽谷大放血》、《TheMule毒行俠》等。

月費計劃視乎用家訂閱CSL定NOWE嘅plan，價格每月由$39-78不等。

Andriod:按此下載 iOS:按此下載 AmazonPrimeVideo AmazonPrimeVideo提供超過15,000部以上的電影、電視劇、原創劇集同電影，當中包括獲獎艾美獎嘅《TheMarvelousMrs.Maisel漫才梅索太太》、《TheManintheHighCastle高堡奇人》、熱門汽車節目《TheGrandTour》、仲有Marvel系列電影等等。

AmaxonPrimeVideo以歐美電視劇為主，啱囇一眾想睇英美劇學英文嘅同學。

Amazon每月收費為美金$5.99（約港幣$48），用家亦可享有7天免費試用𠻹！ Android:按此下載 iOS:按此下載   聽歌學英文 唔知大家知唔知道聽音樂除咗能夠幫助我哋放鬆心情，仲可以幫大家學英文㗎呢？細心聆聽歌詞會發現難以忘懷嘅新詞彙和短語（phrase），又或者注意到歌詞上下文有唔同含義嘅生字，呢啲都能夠幫助大家更理解歌曲。

另外，有研究指出聽音樂可以幫助您的大腦更容易接受英語，例如聽TheCure演唱的歌曲《FridayI’minlove》就係記住星期幾嘅好方法！除咗以上咁多好處之外，聽歌仲可以探索唔同嘅英語口音以及練習發音，唱歌正正有助學習生字嘅正確發音，同學都可以輕鬆地記住所學的新詞彙。

不過作者喺創作歌曲嘅往往需要根據歌曲嘅節奏嚟調整歌詞，所以會故意使用語法錯誤（grammaticalmistakes），例子有LadyGaga嘅BadRomance，入面嘅“Youandmecouldwriteabadromance.”其實應該係“YouandIcouldwriteabadromance.”如果同學唔識得分辨嘅話好容易喺日常生活都會用錯語法。

小編推薦以下2個聽英文歌學英文App，幫大家發掘好聽嘅音樂嘅同時亦可以學到英文，一舉兩得！   VoiceTube VoiceTube係一個受全球用户歡迎嘅英語學習平台，入面有上萬部熱門影片教材，包括有TEDTalk、CNN學生新聞、棟篤笑及音樂視頻(MusicVideo)等等，總有一條片勾起你嘅興趣！VoiceTube熱門MV作英文學習教材，例如著名樂隊Coldplay嘅FixYou，影片會有中英文翻譯字幕，睇完之後回答一系列題目，一方面可以加深對歌曲的印象，另一方面亦可以刻意學習英文以及DSE常用英文生字。

Andriod:按此下載 iOS:按此下載   LyricsTraining LyricsTraining係一個結合音樂和語言學習嘅App。

用家搜尋喜歡嘅歌曲並選擇遊戲嘅難度，然後一邊聽歌一邊填寫歌詞中缺少嘅單詞。

用家選擇嘅遊戲難度越高，歌詞嘅空格出現就會越密。

如果用家冇喺歌詞唱完之前填滿空格，音樂就會越來越弱然後停下來，呢個時侯可以撳backspace，那句歌詞就會重新唱一次。

小編建議每次挑戰都先從最簡單嘅程度開始，玩多幾次（每一次挑戰歌詞漏空格嘅地方都唔同），先再增加難度。

LyricsTraining除咗提供英文歌曲聽力練習，仲有提供西班牙文、葡萄牙文、法文、德文，韓文以及日文等等，絕對係一個幫大家學習外語嘅小工具！ Andrd:按此下載 iOS:按此下載   學英文最重要係要將學習過程變得有趣，大家先會願意放更多時間心機去學。

如果想知多啲英文溫書心得，可以睇AfterSchool另一篇blog【DSEEnglish】不得不知的英文進步心得X操PastPaper攻略~ 免費DSE電子報定期為30,000+中學生送上實用DSE資訊和資源 立即免費訂閱 AfterSchoolAfterSchool是一個針對DSE而設的網上補習平台，課程涵蓋多個DSE科目，讓同學足不出戶就可以享有優質教學。

註冊用戶人達50,000人，當中超過四分之一學生為應屆文憑試考生，是全港最大型網上補習平台。

分享文章 探索課程 導師團隊問答社區學習專欄購物車(0)你的購物車空空如也...瀏覽課程