香港哥爾夫球會 - 維基百科

香港哥爾夫球會（英文：The Hong Kong Golf Club）係香港其中一個高爾夫球會，1889年成立，原本叫皇家香港哥爾夫球會（英文：the Royal Hong Kong Golf Club）。

香港哥爾夫球會 出自維基百科，自由嘅百科全書 跳去導覽 跳去搵嘢 呢篇文夾雜北方中文，唔合乎粵語嘅用字、句式或者文法。

請改善。

如果想睇吓似粵語口語嘅文應該點寫，可以睇吓Wikipedia:正文同埋Wikipedia:好文入面貼堂嘅範例。

香港哥爾夫球會（英文：TheHongKongGolfClub）係香港其中一個高爾夫球會，1889年成立，原本叫皇家香港哥爾夫球會（英文：theRoyalHongKongGolfClub）。

喺1996年，即係香港主權移交前一年，球會決定唔要「皇家」一詞，變成今日嘅名[1]。

哥球會𠵱家有2500個會員，兩個高爾夫球場，面積大約180公頃土地。

香港政府以象徵式地價或豁免地價批出私人遊樂場地契約畀71塊土地畀團體搞康樂活動（地價雖有優惠但仍要畀差餉同地租），哥球會係其中一間[2]。

粉嶺高球場喺2012年需要畀嘅租金係190萬元，差餉320萬元[3]，營運開支喺一億三千萬元，賺蝕都係哥球會自己承擔[4]。

香港哥爾夫球會 目錄 1歷史 1.11889年至1910年 1.21911年至1945年 1.31945年至1989年 1.41990年後 2會員 2.1聖喬治社對聖安德魯社 2.2債權證、公司會籍 3訪客、果嶺費 4設施 4.1深水灣高爾夫球場 4.2粉嶺高爾夫球場 4.3快活谷會所 4.4深水灣會所 4.5粉嶺會所 4.6半日亭 4.7再用水灌溉 5環保、樹木 6主要賽事 7慈善活動 7.1公益金慈善高爾夫球賽 8參考 9出面網頁 歷史[編輯] 1889年至1910年[編輯] 1889年5月8號起一連兩日，《孖剌西報》連續兩日登咗一則簡短告示，徵求志同道合嘅先生、紳士成立高爾夫球會，喺同月10號下晝5點響香港會開會商議。

告示內容： GENTLEMENINTERESTEDINTHEROYALANDANCIENTGAMEOFGOLFAREREQUESTEDTOATTENDAMEETINGTOBEHELDINTHEHONGKONGCLUBONFRIDAY10THMAY1889AT5P.M.TOCONSIDERTHEQUESTIONOFSTARTINGAGOLFLINKSINHONGKONGORKOWLOON. 哥球會第一次會議喺1889年響第一代香港會會所（𠵱家娛樂行位置）舉行。

十三人出席會議，包括船政司林士（RobertMurrayRumseyR.N.）同埋後來先後做過香港定例局同英國國會議員嘅GershomStewart爵士。

就係咁，香港哥爾夫球會成立咗[5]。

會上，原本係決定響九龍搵地做高球場，但係唔成功。

1889年9月30號，哥球會獲政府批准響快活谷起高球場。

1890年5月起，哥球會喺嗰度比賽[6]。

1896年，林士佢哋着手研究響深水灣起高爾夫球場。

1897年6月，哥球會開始同政府傾。

得到港督羅便臣嘅幫忙，政府喺1898年正式批出深水灣一幅地做九個洞嘅高球場[7]。

深水灣9洞高球場 1897年9月1號，哥球會收到維多利亞女王嘅宮務大臣EdwardBootle-Wilbraham伯爵回信。

信中話哥球會正式獲准冠名「皇家」哥爾夫球會[8]。

嗰陣時，哥球會響快活谷嘅用地都重係同其他運動使用者同時用。

逢禮拜三、禮拜六，嗰塊地就係足球及板球嘅球場。

皆因高球同足球共用同一塊場地，有時波會打入足球場。

有一次，有個女人將個波打斜咗，打中一個海軍，令佢隻眼嚴重受傷[9]。

1911年至1945年[編輯] 1908年起，經過同政府、當地農民漫長嘅商討，哥球會喺1911年終於攞到足夠土地興建18個洞球場，即係𠵱家嘅粉嶺高球場。

最初，哥球會中人原本選址響軍地新圍一帶，但畀駐港英軍反對。

攞到呢塊高球場土地，全靠港督梅含理同大埔理民官夏理德嘅大力協助[10]。

當粉嶺高球場嘅舊波地平整土地時，除咗鄰近粉嶺會所同三號果領附近幾棵樹外，高球場嘅土地並無樹木，只得一啲百合花。

大規模植樹喺1915至1919年間展開。

波地上有好多山墳、金塔。

1920年，得到梅含理慷慨捐出五萬蚊畀受影響山墳嘅家庭做補償，先至可以搬走大量山墳。

響舊波地10號洞𠵱家叫做TommyTucker嘅地方（名稱取自廣東話諧音「唔得㗎」。

）嗰度好多金塔喺正球道上，經常打中金塔[11]。

當初，高球場只係一片泥濘，係吹大風嘅日子更加係飛沙走石。

果嶺最初種嘅係本地嘅大葉草，但唔適合推桿，而且蟲患嚴重[12]。

1931年11月2號，港督貝璐主持粉嶺高球場新波地嘅開幕儀式[13]。

貝璐鍾意打高球。

傳聞話，佢每逢周末都會到粉嶺打高球或狩獵[14]。

1933年，諾貝爾文學獎得主蕭伯納喺訪問香港期間，亦曾經到訪哥球會[15]。

1945年至1989年[編輯] 1950年代，所有果嶺改鋪烏干達草。

1951年，草種連泥土畀放喺一個鞋盒之中，由烏干達經開羅運返香港。

高登爵士，大紫荊勳賢，CBS，JP講返佢響開羅機場轉機時，由於嗰陣時英國同埃及關係好僵，海關人員於是對佢嘅盒好懷疑，而當佢打開嗰盒時發現裡邊藏住啲乜時，就更加懷疑。

幸好空中服務員介入，先至令佢可以及時登機起飛[16]。

1956年，哥球會嘅赤字，係八年裏面由38萬7千蚊，減少至四萬蚊[17]。

1959年，香港高爾夫球公開賽喺粉嶺高球場舉辦。

2月1號，時任港督柏立基主持頒獎儀式。

佢重帶埋佢老婆同女兒芭芭拉睇比賽。

根據當日南華早報報導，柏立基亦係一個高球發燒友[18]。

1967年，哥球會同香港賽馬會商討，協議將30英畝鄰近雙魚河嘅土地劃入做高球場。

哥球會就畀賽馬會嘅會員響指定嘅土地策騎。

1971年10月10號，伊甸波地正式啟用，由港督戴麟趾主持開幕[19]。

伊甸波地今日重有關於策畸嘅告示。

1968年，前新加坡總理李光耀訪港時，同前港督戴麟趾響粉嶺高球場打波[20]。

戴麟趾亦係一位高球發燒友，即使喺1960年代香港最政治動盪嘅歲月，佢亦逢禮拜六都繼續打波[21]。

1990年後[編輯] 踏入1990年代，香港出現移民潮，唔少會員讓出會藉。

根據1991年成為哥球會正式會員嘅藝人鄧梓峰嘅講法，當年由於移民潮令會藉出現唔少空位，於是佢只需等咗八年就成為正式會員[22]。

喺香港主權移交前一年，即1996年，球會決定刪去皇家名銜[23] 同年，深水灣高球場老球童鄭源控告哥球會，指球童獲發制服、儲物櫃，所以應該算係哥球會僱員，可享勞工保障，應可獲發自1986年9月至1995年10月（鄭源當時已82歲）期間做球童而得嘅長期服務金。

勞資審裁處同高等法院判佢得值，鄭可得長期服務金3萬3千840蚊[24]；但哥球會不服判決，指球童只係自僱嘅服務提供者，雙方唔係僱傭關係，上訴至上訴庭。

上訴庭裁定球童同哥球會唔係僱主同僱員關係[25]。

鄭源上訴至英國樞密院，雖然賀輔明勳爵表示異議，但係英國樞密院仍以大比數維持上訴庭判決，指兩者關係如發牌者同外判人員，最終哥球會勝訴[26]。

2008年夏季奧林匹克運動會馬術比賽嘅六公里越野賽有啲賽道係響粉嶺高球場比賽。

2015年，哥球會為慶祝125周年推出多項社區外展措施，包括係指定日子為香港居民提供125蚊果嶺費優惠，又舉辦賞樹行等等[27][28][29]。

2015年6月5至7號，第一屆「香港女子高爾夫球公開賽」響粉嶺高爾夫球場舊波地舉行[30]。

2016年6月，香港哥爾夫球會會員陳芷澄[31]喺香港女子高爾夫球公開賽中嘅附加洞賽以一桿之微擊敗泰國球手Kanphanitnan，歷史性咁以香港業餘球手身分贏得賽事冠軍，獲得世界排名積分[32]。

喺7月11號公布嘅世界排名中，陳芷澄嘅排名急升至第434位，令佢嘅奧運排名則打入頭60位參賽嘅女子球手中排第56位，攞到里約奧運嘅參賽資格[33]。

奧運會期間，佢最後以高標準四桿、總排名37位完成[34]。

會員[編輯] 1897年，哥球會嘅會員數字係250人[35]。

1923年，哥球會嘅會員數字去到800人[36]。

1964年，哥球會決定唔再收會員。

申請者，唔論係乜嘢國藉，都會畀球會列入做候補名單。

訂立呢項政策，係為咗令會藉只係發畀有番咁上吓資歷、技術水平嘅高球發燒友，而唔係初哥[37]。

哥球會目前有2,500個會員，而最後一個公司會籍喺1986年發出，𠵱家共有365個公司會籍會員[38]。

聖喬治社對聖安德魯社[編輯] 舊波地嘅聖喬治十字旗 舊波地嘅聖安德魯旗 響1921年之前，球會內部舉行過蘇格蘭人同非蘇格蘭人嘅對賽，而蘇格蘭人一隊總係輸多贏少。

1921年後，哥球會內舉行咗首場聖喬治社對聖安德魯社嘅高球社際比賽[39]。

年 贏家 年 贏家 年 贏家 年 贏家 1921 聖喬治社 1926 聖喬治社 1936 聖安德魯社 1951 聖喬治社 聖喬治社 1927 聖喬治社 1937 聖安德魯社 1952 聖安德魯社 1922 聖喬治社 1928 聖喬治社 1938 聖安德魯社 1953 聖安德魯社 聖安德魯社 1929 聖喬治社 1939 聖安德魯社 1954 聖喬治社 1923 聖喬治社 1930 聖安德魯社 1940 聖喬治社 1955 聖喬治社 聖喬治社 1931 聖安德魯社 1941 聖喬治社 1956 聖喬治社 1924 聖喬治社 1932 聖喬治社 1947 冇資料 1957 冇資料 聖喬治社 1933 聖喬治社 1948 冇資料 1958 冇資料 1925 聖喬治社 1934 聖喬治社 1949 冇資料 1959 冇資料 聖安德魯社 1935 聖喬治社 1950 聖喬治社 1960 冇資料 債權證、公司會籍[編輯] 第二次世界大戰期間，粉嶺高球場變咗成個廢虛咁。

啲樹畀人砍嗮、大部份果嶺變咗做農田種菜。

戰後，英軍一度徵用粉嶺高球場駐紮部隊，新波地就變成英軍嘅軍事訓練用地，地面重變到四圍都係狐狸洞。

後尾，球場歸還哥球會，但修復計劃要好多好多錢，即使哥球會用盡積儲，都要透支四十萬港紙。

（1947-48年間，香港一份日報賣兩亳子。

）為咗籌期，哥球會以每個會籍五百蚊嘅價錢，發「債權證」集資。

匯豐銀行同怡和洋行購買債權證幫助哥球會渡過難關[40]。

1963年，哥球會召開特別會員大會，通過以九十萬港紙嘅價錢賣出債權證，集資擴建粉嶺會所。

當年擴建粉嶺會所嘅開支係港紙一百廿一萬四千蚊[41]。

1970年代初，為咗籌錢起游泳池同住宿設施嘅經費，哥球會建立公司會員制度，公司可申請會藉，然後提名僱員做會員。

公司會藉可轉讓，但必須先徵得哥球會同意[42]。

1980年嘅周年會員大會決定發出三十個公司會藉，籌錢擴建深水灣球場嘅游泳池同壁球場。

新設施係1983年建成，耗資約港紙二千五百萬[43]。

財務問題逐步克服。

歷多年虧損之後，1984年錄得盈餘。

由嗰時開始，哥球會冇再出現赤字[44]。

1986年，十個公司會籍以港紙一百一十萬價錢賣出，籌錢起再用水灌溉系統。

呢次係哥球會最後一次出售公司會籍[45]。

訪客、果嶺費[編輯] 哥球會除咗會員制外，重有畀本地同海外訪客訂場，喺2012年，非會員使用次數超過三成。

另外，哥球會同上水鄉事委員會協定，畀鄰近原居民登記，每日下晝三點後喺舊球場免費打波，近800名已登記村民，每年打波次數有一萬四千場次。

非會員嘅訪客可以喺禮拜一至五（非公眾假期日）預約期間打波。

剩係計2012年，非會員響粉嶺高球場打過多過32,000局波。

深水灣高球場嘅開放時間由禮拜一至五由上晝九點至下晝兩點。

粉嶺高球場嘅開放時間由禮拜一至五上晝七點廿四分至黃昏，最早可以七日前預約。

果嶺費就要睇乜嘢時段，最平嘅只係港紙五百蚊[46]。

哥球會開放夜晚練習場畀公眾，時間由夜晚七點至十點，每半個鐘頭計，可以無限量咁練習，半個鐘嘅費用係港紙八十蚊[47]。

設施[編輯] 除咗高球設施，哥球會重有游泳池、網球場、餐廳同住宿設施。

深水灣高爾夫球場[編輯] 深水灣高爾夫球場喺香港島深水灣，佔地6.7公頃，包括一個九洞球場，1898年啟用。

粉嶺高爾夫球場[編輯] 粉嶺高爾夫球場喺新界粉嶺古洞，佔地170公頃，包括3個18洞球場，先後喺1911年、1931年、1970年啟用。

歷史比響1919年起，台灣最古老嘅老淡水高球場歷史重要長[48]。

球場內嘅小食亭亦係歷史建築物[49]。

粉嶺高球場係香港高爾夫球代表隊嘅主要訓練場地，代表隊平均每個月喺球場集訓10至15號[50]，全國運動會前更免費開放咗廿幾日畀港隊集訓[51]。

代表隊成員黃煥民同黑純一都希望可以保留粉嶺高球場，畀本地高球手有場地訓練[52][53]。

快活谷會所[編輯] 1896年，快活谷會所正式開張。

會所大樓由建築師EdwardAlbertRam設計。

1918年，快活谷大火，會所裡邊所有紀錄燒到變灰。

第二次世界大戰嗰陳時，快活谷會所畀搶劫一空；戰後，哥球會決定將快活谷會所歸還政府[54][55][56]。

深水灣會所[編輯] 1898年嘅周年會員大會通過喺深水灣高球場興建會所。

1899年，譚仁紀建築師樓（Denison,Ram&Gibbs）嘅EdwardAlbertRam建築師負責興建該會所[57]。

粉嶺會所[編輯] 1911年，粉嶺高球場係舊波地平整之後，再委託譚仁紀建築師樓嘅EdwardAlbertRam建築師設計會所。

工程係1914年完成[58]。

粉嶺會所 半日亭[編輯] 粉嶺高球場嘅半日亭（HalfWayHouse）列為三級歷史建築物。

[59] HalfWayHouse 亭上牌扁紀念梅含理和T.S.ForrestEsq 亭頂有綠瓦同埋二龍爭珠㓮刻 亭頂有「龍頭魚尾」嘅鴟尾設計 再用水灌溉[編輯] 哥球會主席張建東接受傳媒訪問時講，嗰陣時粉嶺仍然一片荒蕪，生滿粗生大葉草，每到冬天就缺水變黃，進入冬眠狀態，完全唔適合打高球。

1980年代，球會管理層認為冬天天氣好也可以打高球，就諗計點樣利用灌溉為草地救亡。

1985年，哥球會邀請美國專家實地考察，報告指球場灌溉水不足。

香港專家提出挖井，但係香港冇雪山可以儲水，咁啱粉嶺石湖墟開始發展，於是哥球會向香港政府申請引進污水灌溉，但點樣將污水淨化又係另外一個難題。

當時香港賽馬會好多管理層都係哥球會會員，張建東向佢哋請教，用一層層鐵網隔濾污水先至可以解決淨化問題。

哥球會係污水廠駁渠經鐵路引入球場，再係粉嶺高球場三個波地加設灌溉系統，令場地可換上現代化高球用草[45]。

環保、樹木[編輯] 粉嶺高球場總面積有超過一半畀樹林覆蓋。

哥球會有一隊六人小組（包括一個特聘園藝專家）負責樹木保育。

哥球會網頁又話，粉嶺高球場發現有差唔多100種不同嘅樹木品種，八十四種樹種重係香港政府古樹名木冊嘅樹種。

響粉嶺嘅樹種，樹齡都成八十年幾年，包括榕樹、桉樹(舊波地第十六洞開球台右邊)、本土樟樹、阿拉伯膠樹、鐵木樹、諾福克松樹、重有白千層。

2015年，哥球會開始舉辦教育導賞團，劃出樹木步行徑，畀本地學校嘅學生，同埋各界團體參加既定日程嘅步行徑活動[60]。

另外，哥球會又宣布加入歐杜邦合作保護區高爾夫計劃[61]。

高球場嘅榕樹 高球場嘅樟樹 高球場嘅諾福克松樹 高球場嘅白千層樹林 主要賽事[編輯] 香港高爾夫球公開賽（英文：HongKongOpen）：1959年至今 Colgate-HongKongOpen：1976年 JohnnieWalkerClassic：1990年 DunhillCup-AsianZone Eisenhower及EspiritoSantoTrophies：1984年 學界越野賽第一組比賽：粉嶺高爾夫球場亦會借畀學界聯會舉行港九第一組越野賽跑比賽。

泰后盃亞太業餘女子隊際賽1990,2001&2015 富通HKPGA錦標賽2014 香港女子高爾夫球公開賽2015 慈善活動[編輯] 香港哥爾夫球會話佢哋一直有做慈善工作，喺2008年至2013年，球會一共捐咗1,000萬港紙畀多間非牟利機構[62]。

佢哋又話，每年舉辦好多慈善哥爾夫球賽，曾經獲哥球會免費招待，籌辦慈善球賽嘅機構，包括香港公益金、保良局（2007年[63]、2014年[64]），重有東華三院⋯⋯。

單單計2014年，響哥球會舉辦嘅高爾夫球活動已經成功籌得超過善款港紙1,150萬。

由1987年起，哥球會亦有主辦慈善球賽，就係每年舉行嘅「哥爾夫球慈善賽」。

第二十七屆哥爾夫球慈善賽，喺2014年10月舉行，籌得善款超過港紙330萬。

活動受惠機構包括上水可愛誠實之家、粉嶺佛教寶靜安老院、同埋協康會[65]。

另外，香港中文大學籌款活動－中大高爾夫球日喺2013年起，都係響粉嶺高球場舉辦。

[66]香港浸會大學亦多次響粉嶺高球場舉辦高爾夫球日籌款，包括2004至2008年、2010年、2012年，同埋2014年[67][68][69][70][71][72][73][74]。

公益金慈善高爾夫球賽[編輯] 1999年1月底，公益金獲香港哥爾夫球會提供場地贊助，舉辦慈善高球賽。

呢嗰比賽總共有45隊隊伍參加，為公益金籌得港紙110萬。

[75][76]呢屆賽事由余錦遠、尹志強、苗僑偉同馬澄發組成嘅「祥華實業有限公司」隊奪得全場總冠軍。

亞軍係日高集團，季軍係高偉紳律師行[77]。

1999年到2009年，比賽由DHL冠名贊助。

咁多年嘅參賽隊伍，包括高偉紳律師行、麥堅時律師行、孖士打律師行、德勤・關黃陳方會計師行、羅兵咸永道、成報、伍宜孫慈善基金、曾植桂堂慈善基金⋯⋯[78][79][80][81][82][83][84][85][86][87]。

2010年起，賽事由中銀香港冠名贊助。

慈善賽籌到嘅錢，全部撥畀公益金嘅精神病患者同康復者服務[88][89][90][91][92][93]。

2014年，籌到近158萬港紙善款[94]。

2015年，籌到一百四十萬港紙善款[95]。

2016年，東亞銀行冠名贊助，籌到230萬港紙善款[96]。

年 籌得金額 隊伍數目 參與人數 公益金DHL慈善高爾夫球賽 1999 $110萬 45 冇資料 2000 $110萬 45 冇資料 2001 $100萬 46 冇資料 2002 $1,556,000 58 冇資料 2003 $1,645,000 59 冇資料 2004 $1,457,000 55 220 2005 $1,378,000 50 200 2006 $1,493,000 50 冇資料 2007 $1,573,500 49 200 2008 $2,692,000 79 320 2009 $1,486,890 44 170 公益金中銀香港慈善高爾夫球賽 2010 $1,725,960 49 200 2011 $1,802,800 50 200 2012 $1,653,600 47 190 2013 $1,617,644 47 190 2014 $1,630,097 47 190 2015 $1,400,000 41 160 公益金東亞慈善高爾夫球賽 2016 $2,300,000 48 190 參考[編輯] ↑"ClubHistory:HistoricMilestones".TheHongKongGolfClub.原著喺2013年10月5號歸檔.喺28July2013搵到. ↑立法會四題：私人遊樂場地契約 ↑HongKongGolfClubhasproudtradition，南華早報，2013年9月2號 ↑"Clubappealstospare"unparalleled"Open".英文虎報.原著喺2013年12月27號歸檔.喺2013年9月14號搵到. ↑TheHongKongDailyPress，1889年5月8-9號 ↑Waters,T.F.R.(1961),"HistoryoftheRoyalHongKongGolfClub",p.5-6 ↑Waters,T.F.R.(1961),"HistoryoftheRoyalHongKongGolfClub",p.9 ↑Waters,T.F.R.(1961),HistoryoftheRoyalHongKongGolfClub,p.10 ↑Waters,T.F.R.(1961),“HistoryoftheRoyalHongKongGolfClub”,p.12 ↑Waters,T.F.R.(1961),"HistoryoftheRoyalHongKongGolfClub",p.9 ↑Waters,T.F.R.(1961),"HistoryoftheRoyalHongKongGolfClub",p.16 ↑Waters,T.F.R.(1961),"HistoryoftheRoyalHongKongGolfClub",p.17-18 ↑Waters,T.F.R.(1961),"HistoryoftheRoyalHongKongGolfClub",p.20 ↑Spurr,Russell;"Excellency:GovernorsofHongKong",p.162 ↑"HongKongGolfinthe1960s-PartTwo".原著喺2013年12月20號歸檔.喺2015年8月8號搵到. ↑Robinson,S.(1989)“FestinaLente,AHistoryoftheRoyalHongKongGolfClub”,p.1 ↑Waters,T.F.R.(1961),"HistoryoftheRoyalHongKongGolfClub",p.26 ↑S.C.M.POSTOPENGOLFCOMPETITION,南華早報，1959年2月2號 ↑Robinson,S.(1989)“FestinaLente,AHistoryoftheRoyalHongKongGolfClub”,p.40-46 ↑熱愛高球訪美獲安排球伴，明報，2015年5月31號 ↑Spurr,Russell;"Excellency:GovernorsofHongKong",p.221 ↑"當巴斯光年遇上高爾夫－鄧梓峰（上）".原著喺2014年5月29號歸檔.喺2019年2月14號搵到. ↑"ClubHistory:HistoricMilestones".TheHongKongGolfClub.原著喺2013年10月5號歸檔.喺2013年7月28號搵到. ↑ChengYuenv.TheRoyalHongKongGolfClub,HKLA37/1996 ↑ChengYuenv.TheRoyalHongKongGolfClub,CACV146/1996 ↑Yuenv.TheRoyalHongKongGolfClub(HongKong)[1997]UKPC40(1997年7月28號) ↑"香港哥爾夫球會－社區外展".原著喺2015年9月24號歸檔.喺2015年8月8號搵到. ↑高球場「賞樹行」一覽五十載古樹星島日報2015年5月12號 ↑小學生賞樹探索自然妙趣晴報2015年8月28號[失咗效嘅鏈] ↑Wonderfulsurprise'asKoreanbreaksKoreanbreaksthroughwithHKvictory,英文虎報，2015年6月8號 ↑Comebackqueen:TiffanyChanindramaticplay-offvictoryatHongKongLadiesOpen，南華早報，2016年6月13號 ↑（繁體中文-香港）"【香港女子高爾夫球公開賽】陳芷澄封后零獎金標".蘋果日報.2016年6月13號.原著喺2016年8月17號歸檔.喺2016年8月27號搵到. ↑（繁體中文-香港）"【里約·撐港隊】扑槌！陳芷澄趕上尾班車！".東方日報.2016年7月12號. ↑（繁體中文-香港）"【殺入里奧】完成奧運陳芷澄即轉戰美國".蘋果日報.2016年8月21號.原著喺2016年9月26號歸檔.喺2016年8月27號搵到. ↑Waters,T.F.R.(1961),"HistoryoftheRoyalHongKongGolfClub",p.10 ↑Waters,T.F.R.(1961),"HistoryoftheRoyalHongKongGolfClub",p.20" ↑Robinson,S.(1989)“FestinaLente,AHistoryoftheRoyalHongKongGolfClub”,p.38 ↑"香港高球會反駁審計報告，[[星島日報]][[加拿大]][[多倫多]]中文新聞網，2013年11月22號".原著喺2013年12月20號歸檔.喺2015年8月8號搵到. ↑Waters,T.F.R.(1961),"HistoryoftheRoyalHongKongGolfClub",p.95 ↑Waters,T.F.R.(1961),“HistoryoftheRoyalHongKongGolfClub”,p.25 ↑Robinson,S.(1989)“FestinaLente,AHistoryoftheRoyalHongKongGolfClub”,p.36 ↑Robinson,S.(1989)“FestinaLente,AHistoryoftheRoyalHongKongGolfClub”,p.45 ↑Robinson,S.(1989)“FestinaLente,AHistoryoftheRoyalHongKongGolfClub”,p.55 ↑Robinson,S.(1989)“FestinaLente,AHistoryoftheRoyalHongKongGolfClub”,p.47 ↑45.045.1張建東談「救亡」過程，頭條日報，2014年1月10號 ↑"香港哥爾夫球會﹣訪客".原著喺2014年4月2號歸檔.喺2015年8月8號搵到. ↑"香港哥爾夫球會晚間練習場".原著喺2015年9月24號歸檔.喺2015年8月8號搵到. ↑老淡水球場勝在夠老，東方日報，2011年3月16號 ↑"BriefInformationonProposedGradeIIIItems.Item#805"(PDF).原著(PDF)喺2012年10月17號歸檔.喺2013年9月14號搵到. ↑港高球隊盼保留粉嶺球場，文匯報，2013年9月10號 ↑"港高球隊摘銀捍衛粉嶺場，[[星島日報]]，2013年9月10號".原著喺2012年9月13號歸檔.喺2013年9月14號搵到. ↑"力抗星級廣東港高球隊添銀牌，[[蘋果日報]]，2013年9月10號".原著喺2015年6月25號歸檔.喺2013年9月14號搵到. ↑高球男團全運添銀盼挽回粉嶺高球會 ↑Waters,T.F.R.(1961),"HistoryoftheRoyalHongKongGolfClub",p.8-9 ↑Waters,T.F.R.(1961),"HistoryoftheRoyalHongKongGolfClub",p.16 ↑Waters,T.F.R.(1961),"HistoryoftheRoyalHongKongGolfClub",p.25 ↑Waters,T.F.R.(1961),"HistoryoftheRoyalHongKongGolfClub",p.11 ↑Waters,T.F.R.(1961),"HistoryoftheRoyalHongKongGolfClub",p.14 ↑"BriefInformationonProposedGradeIIIItems.Item#805,p.430"(PDF).原著(PDF)喺2012年10月17號歸檔.喺2013年9月14號搵到. ↑"香港哥爾夫球會－社區外展－香港哥爾夫球會的珍貴樹木".原著喺2015年9月24號歸檔.喺2015年8月8號搵到. ↑"香港哥爾夫球會－社區外展－環境管理職責".原著喺2015年9月24號歸檔.喺2015年8月8號搵到. ↑哥球會聲明否認富豪專用，太陽報，2013年7月31號 ↑蒲得又玩得霍震霆撐啟人運動健將，太陽報，2007年1月20號 ↑霍震霆疑不满儿媳郭晶晶太严苛：如今的家长很奇怪，大公報，2014年12月16號 ↑"香港哥爾夫球會－社區外展－慈善活動".原著喺2015年9月24號歸檔.喺2015年8月8號搵到. ↑"2014中大高爾夫球日特刊"(PDF).原著(PDF)喺2015年6月22號歸檔.喺2015年8月8號搵到. ↑HKBUFirstGolfDay ↑HKBUSecondGolfDay ↑HKBUGolfDay2006 ↑HKBUGolfDay2007 ↑HKBUGolfDay2008 ↑HKBUGolfDay2010 ↑HKBUGolfDay2012 ↑HKBUGolfDay2014 ↑Golfdayputts$1.1minkitty，南華早報，1999年3月8號 ↑祥華奪慈善高爾夫球賽冠軍，星島日報，1999年2月13號 ↑公益金辦高球賽籌得善款百萬元，大公報，1999年2月20號 ↑"公益金籌募年報1999/2000年度"(PDF).原著(PDF)喺2015年6月22號歸檔.喺2015年8月8號搵到. ↑"公益金籌募年報2000/2001年度"(PDF).原著(PDF)喺2015年6月22號歸檔.喺2015年8月8號搵到. ↑"公益金籌募年報2001/2002年度"(PDF).原著(PDF)喺2015年6月22號歸檔.喺2015年8月8號搵到. ↑"公益金籌募年報2002/2003年度"(PDF).原著(PDF)喺2015年6月22號歸檔.喺2015年8月8號搵到. ↑"公益金籌募年報2003/2004年度"(PDF).原著(PDF)喺2015年6月22號歸檔.喺2015年8月8號搵到. ↑"公益金籌募年報2004/2005年度"(PDF).原著(PDF)喺2015年6月22號歸檔.喺2015年8月8號搵到. ↑"公益金籌募年報2005/2006年度"(PDF).原著(PDF)喺2015年6月22號歸檔.喺2015年8月8號搵到. ↑"公益金籌募年報2006/2007年度"(PDF).原著(PDF)喺2015年6月22號歸檔.喺2015年8月8號搵到. ↑"公益金DHL慈善高爾夫球賽2007-2008"(PDF).原著(PDF)喺2015年6月22號歸檔.喺2015年8月8號搵到. ↑"公益金DHL慈善高爾夫球賽2008-2009"(PDF).原著(PDF)喺2015年6月22號歸檔.喺2015年8月8號搵到. ↑"公益金中銀香港慈善高爾夫球賽2009-2010"(PDF).原著(PDF)喺2014年4月13號歸檔.喺2015年8月8號搵到. ↑"公益金中銀香港慈善高爾夫球賽2010-2011"(PDF).原著(PDF)喺2014年4月13號歸檔.喺2015年8月8號搵到. ↑"公益金中銀香港慈善高爾夫球賽2011-2012"(PDF).原著(PDF)喺2014年4月13號歸檔.喺2015年8月8號搵到. ↑"公益金中銀香港慈善高爾夫球賽2012-2013"(PDF).原著(PDF)喺2014年4月13號歸檔.喺2015年8月8號搵到. ↑"公益金中銀香港慈善高爾夫球賽2013-2014"(PDF).原著(PDF)喺2014年7月28號歸檔.喺2015年8月8號搵到. ↑公益金高球賽籌160萬 ↑"公益金中銀香港高球賽籌近158萬".香港商報.原著喺2015年9月24號歸檔.喺2015年8月8號搵到. ↑"高球神童金牌司儀組名人隊為慈善揮桿".原著喺2015年6月2號歸檔.喺2015年8月8號搵到. ↑"公益金東亞慈善高爾夫球賽2016為精神健康服務籌得逾港幣230萬元".原著喺2016年9月27號歸檔.喺2016年8月27號搵到. 出面網頁[編輯] 維基同享有多媒體嘅嘢：HongKongGolfClub 香港哥爾夫球會中文網址 OldpicturesofFanlinggolfcourseinearty20thCentury-King'sCollections:TheServingSoldier:TravelofANavalOfficerVolume4(Part3):Gurner,VG 運動達人第71集－香港最資深高球教練鄭基鴻細述高球風雲變！ 劉兆生的寫作心路歷程－粉嶺球會「A會籍」的構思 陳雲：高爾夫球場與本土政治 由「https://zh-yue.wikipedia.org/w/index.php?title=香港哥爾夫球會&oldid=1823145」收 屬於6類：維基百科清理夾雜非粵文嘅文章香港哥爾夫球場粉嶺深水灣香港會所屬於3隱類：有失效鏈嘅頁全部需要清理嘅文有英文嘅文章 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 粵語 外觀 閱改睇返紀錄 多啲 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲維基項目 維基同享 第啲話 EnglishNederlands中文 改拎