你- 維基百科

文言有儞，爾，汝。

通常講嘢嘅人，稱呼自己做【我】，對住另一人講嘢，就稱呼對方做【你】。

眾數來講，對象多過一個，就叫你哋，文言就叫爾等、汝等。

你 出自維基百科，自由嘅百科全書 跳去導覽 跳去搵嘢 你(nei5)，係個代名詞，第二人稱。

文言有儞，爾，汝。

通常講嘢嘅人，稱呼自己做【我】，對住另一人講嘢，就稱呼對方做【你】。

眾數來講，對象多過一個，就叫你哋，文言就叫爾等、汝等。

目錄 1變化 2寫法 3敬稱 4其他話比較 4.1官話 4.2英文 4.3德文 4.4日文 變化[編輯] 有啲話，個你字有分數量、性別同埋格。

格即係按句意，唔同位有唔同讀法或者寫法。

例如德文，「你打我」個你就寫du，叫主格。

「我打你」個你，就寫dich，叫受格。

「我送架車你」、「我送架車畀你」個你，寫dir，叫與格。

而「你隻貓」或者「你嘅貓」個你，就寫dein，叫屬格。

廣東話來講，冇變化可言，所有都係加字補意思。

例如【你】由單數一人，變眾數多人，只不過係加個【哋】字，叫你哋。

嚴格來講，廣東話都冇分格，勉強只有屬格，即係你後面加嘅，變成你嘅，好似「你嘅貓」咁。

但有時可用數詞代，好似「你隻貓」。

有時甚至可以唔用，例如「你老母」。

眾數受格寫叫你哋嘅，好似「你哋啲功課」咁，用法完全同你一樣。

反身格方面，加自己一字，叫【你自己】，通常係強調動作加諸自己或者自己嘅嘢身上，例如「你打你自己」，「你使你自己（嘅錢）」。

寫法[編輯] 【你】係【儞】嘅減筆，而【儞】係由【爾】分出來，專代表人稱。

即係話，【你】即係【爾】。

你字保留鼻音/n/開頭，而廣東話爾字，經年累月，失卻鼻音，讀/ji/。

而文言【汝】字，古音係同【女】字一樣，廣東話變到冇鼻音，讀/jy/。

所以佢哋可能同源。

廣東話入便，代名詞眾數，就加個哋，即係我哋、你哋、佢哋同人哋，個哋字唔會用喺其他名詞上。

哋字可能係文言等字變音，文言有我等、爾等、人等。

敬稱[編輯] 有時叫人做【你】係太隨便，會用一啲婉轉嘅字代替，以示尊重。

例如，叫閣下、貴客。

或者用職業嚟稱呼，好似先生、醫生咁。

又或者用親屬稱呼，好似爸爸、細佬咁。

有時可以夾埋一齊用，好似「先生你」咁。

文言嘅子，都係類似用法，甚至見於殷代。

而受格上，喺對方親人加特敬稱，最常見係「令乜乜」，加個令字，以尊重對方同佢家人。

好似令尊翁、令壽堂、令郎咁。

其他話比較[編輯] 同廣東話同系嘅，好似官話、潮州話、上海話咁，多數都係唐字古文爾同汝出來。

官話[編輯] 官話單數用你，眾數叫你們。

受格用的字跟後，變成你的同你們的，官話借「的」字替咗文言嘅「之」字，係種借字。

你們合音叫您，亦用來做敬稱，因爲經已係眾數，文法上無您們呢個字。

英文[編輯] 英文嘅你字叫you，冇分單數眾數。

查實舊時有分，單數係thou，眾數係you。

因爲受法文影響，用眾數叫人尊敬啲，就用you。

日月推移，thou越用越少，家下幾乎唔用咁滯。

英文雖然係印歐語系，但名詞簡化到冇格可言，淨返代名詞重有啲格。

英文「你」各格 單數 眾數 主格 受格同與格 屬格(唔跟名詞) 反身格 主格 受格同與格 屬格(唔跟名詞) 反身格 現代 you you your(yours) yourself you you your(yours) yourselves 舊時 thou thee thy(thine) thyself ye you your(yours) yourselves 德文[編輯] 德文格有變化，眾數亦用來做尊稱。

德文「你」各格 單數 眾數(同單數尊稱) 主格 受格 與格 屬格 主格 受格 與格 屬格 第二身 du dich dir dein sie sie ihnen ihr 日文[編輯] 日文嘅你字冇分格，但有唔同尊稱。

單數係貴方，假名寫あなた，而眾數係貴方達，假名寫あなたたち。

由「https://zh-yue.wikipedia.org/w/index.php?title=你&oldid=836979」收 屬於3類：第二人稱代名詞稱呼 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 粵語 外觀 閱改睇返紀錄 多啲 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲話 Mìng-dĕ̤ng-ngṳ̄DeutschEnglishفارسیSuomi客家語/Hak-kâ-ngî日本語한국어LimburgsМакедонскиNederlandsPortuguêsРусскийSimpleEnglishSranantongoSvenskaTayalTagalogУкраїнська吴语中文Bân-lâm-gú 改拎