究竟遞信後幾時先走得?

... 清究竟自己遞信後即係幾時last day，好多時封辭職信上面嘅日期都寫錯。

... 遞信，合約終止生效日期(termination effective date) 就係一個月後， ... Skiptomaincontent 究竟遞信後幾時先走得? Getlink Facebook Twitter Pinterest Email OtherApps - March20,2018 三、四月呢啲時間通常都已經派左bonus同知道有無得加人工，好多同事又開始留意有無得轉吓環境。

不過去到真係要遞信嘅時候，唔少人都搞唔清究竟自己遞信後即係幾時lastday，好多時封辭職信上面嘅日期都寫錯。

首先，拎自己份僱傭合約出嚟望吓，因為通常都有一個部份係關於終止僱傭關係，會列明通知期係幾耐。

常見嘅合約喺試用期頭一個月內係唔需要通知期，可以即走，第二同第三個月就七日通知，過咗試用期就一個月通知。

(以上嘅只係一般比較常見嘅通知期安排，所以一定好好keep住份合約，有需要就隨時可能攞嚟睇。

) 咁即係點計lastday呢?假設我已經過咗試用期需要一個月通知，如果我2018年3月19日遞信，咁我一個月後就可以終止僱傭合約，即係4月19日就同公司再無僱傭關係，呢個係terminationeffectivedate，最後受僱日期(lastemploymentdate)就會係之前一日,即係2018年4月18日，如果你係番星期一至五嘅寫字樓工的話，咁4月18日亦都係你嘅最後工作日(lastworkingdate)， 又如果我2018年3月23日遞信，合約終止生效日期(terminationeffectivedate)就係一個月後，即4月23日，最後受僱日期(lastemploymentdate)就係4月22日。

不過因為4月22號係星期日，所以最後工作日(lastworkingdate)就係4月20日星期五。

呢幾個日期一定要搞清楚，lastemploymentdate呢日你仲係公司員工，仲會出公司糧，terminationeffectivedate呢日你就再唔係呢間公司嘅人。

HR實用文 點辭職 Getlink Facebook Twitter Pinterest Email OtherApps Comments Popularpostsfromthisblog 我係咪要俾足通知期先走得?咩係buyout? - March21,2018 之前講過點樣計通知期(按此重溫)，但係新公司想我早啲番工，咁我有無辦法可以早啲走呢? 聽過有啲candidate話宜家公司嘅HR話唔俾佢走，係咪真架?答案當然係唔可以唔俾走啦!邊有公司可以夾硬要你留低呢?不過，如果唔俾足通知期，就要用錢去解決，即係俾代通知金!只要你肯俾錢，公司就唔可以話唔俾你走。

例如你想即走，連一個月嘅通知期都唔俾，咁你就要賠番一個月錢俾公司。

知但係，就算你有錢，係咪真係要走得咁急呢? 雖然可能新公司個offer真係好好又好想你早啲join，你都要睇下咁樣對宜家個老細做成幾大不便，會唔會都俾番兩、三個禮拜通知?等大家可以有handover，可以好嚟好去。

呢個世界好細，你永遠唔知幾時會再撞番呢個老細!另外，有啲candidate話新公司肯buyout佢，唔知係咩意思。

Buyout嘅意思係新公司會幫你俾你份代通知金。

不過要留意兩樣嘢:第一，好多公司會以sign-onbonus嘅形式去俾舊錢你，咁呢舊錢會係taxableincome，你第時有機會交多咗稅。

第二，新公司又點會白白俾錢你?所以通常會有binding，即係你要留喺公司一段時間，例如一年，如果你喺一年內走，咁你就要賠番錢俾公司，有可能要成舊錢賠，有可能係按時間比例，要睇吓你同間公司點傾。

所以，唔好見人哋話幫你俾錢就咩都唔理呀。

Readmore 見工著咩衫-男生篇 - March22,2018 之前有講過見工時嘅衣著會可以話俾interviewer知好多嘢，今次再講吓仲有咩細節位要留意。

其實著咩衫好視乎你要見咩公司、見咩人同見咩位，所以見工之前一定要做吓功課。

一般嚟講，如果你見一啲傳統嘅公司，就可以留意以下幾點。

男生髮型:愈簡單愈好，但唔等如唔梳頭，不過就唔好gel得太勁，唔好俾人一種太花巧嘅感覺。

衣著:普通恤衫西褲就最穩陣，吊腳西褲唔著襪宜家係好興，不過未必人人接受，所以都係著番對襪啦!不過，著襪都有學問，深色(例如黑、深藍、深灰)一般都安全，白襪就......奇怪咗少少。

仲有，有啲嘢真係唔懶得，就係要熨衫，咁樣先至俾人一個整潔嘅感覺。

剃鬚:除非你係有留鬚同埋有修剪，如果唔係，你就記得要剃鬚，否則又係可能會俾人唔整齊嘅感覺。

公事包:好多男仔都未必有一個正正經經嘅公事包，唔緊要，但至少要有一個正正經經嘅背囊。

有啲男仔會兩手空空剩係拎住個銀包上嚟，俾人感覺太casual同唔重視個interview咁，因為即係連任何CV,referenceletters都無帶。

有啲男仔就好啲,會揹個做運動嘅背囊，不過，你想像吓你一身西裝打扮但係揹個運動袋，咁就好似唔係咁襯!其實唔一定要買咩名牌，一個簡簡單單浄深色，類似Muji、Porter嘅款式都已經可以。

總言之，最緊要俾到人一種乾淨俐落，精精神神嘅印象就OK. Readmore Wing 從事跨國企業人力資源管理10+年,後來因興趣而修讀心理輔導。

希望結合商界和輔導兩個領域，透過經驗分享、討論，幫助在求職/職場發展遇到困難和挑戰的學生／在職人仕一起尋求出路,開拓職涯、生涯發展機會。

Visitprofile Labels HR做啲咩 HR實用文 見工實戰 辦公室政治學 點辭職 Archive 2018 3 March 3 見工著咩衫-男生篇 我係咪要俾足通知期先走得?咩係buyout? 究竟遞信後幾時先走得? 2017 7 October 7 Showmore Showless 抖氣位 Share ReportAbuse